गुलरिया बजार आसपासमा त्रसित बनाएको चितुवा नियन्त्रणमा आएको छ ।
डिभिजन वन कार्यालय बर्दिया, बर्दिया राष्ट्रिय निकुञ्ज, NTNC, जिल्लाका सुरक्षाकर्मी लगाएत सरोकारवाला निकायको समुक्त प्रयासमा आज जेठ २१ गते बिहान करिव ४.३० बजेको समयमा एक चितुवा नियन्त्रणमा आएको डिभिजन वन कार्यालय बर्दियाका सिनियर डिभिजनल वन अधिकृत विजयराज सुवेदीले बताए ।
गुलरिया नगरपालिका–५ बालापुरकी साईरा चौधरीलाई जेठ १४ गते चितुवाको आक्रमणमा परि मृत्यु भएपछि स्थानियहरुले जिल्ला प्रशासनलाई खबरदारी गर्दै चितुवा नियन्त्रणमा लिन आग्रह गरेपछि सम्बन्धित निकायहरु सक्रिय हुदै चितुवा नियन्त्रण लिन विगत एक हप्ता देखि प्रयास गर्दै आज विहान डिभिजन वन कार्यालय बर्दियाले राखेको केजमा चितुवा नियन्त्रणमा आएको छ ।
रातदिनको प्रयास पछि हाल नियन्त्रणमा आएको चितुवालाई बर्दिया जिल्ला भन्दा बाहिर छोड्ने तैयारी रहेको समेत सुवेदीले जानकरी दिए । गुलरियामा विगत एक महिनामा चितुवाको आक्रमणबाट २ जनाको मृत्यु भएको छ ।
