बर्दियाको राजापुर नगरपालिका रोजगार सेवा केन्द्र द्धारा संचालित प्रधानमन्त्री रोजगार कार्यक्रम स्थानिय सरकारको विकास बाटोमा लैजान महत्वपूर्ण योगदान गदै प्रभावकारी बन्दै गएको छ । यस कार्यक्रमले प्रत्यक्ष रुपमा अति बिपन्न परिवारका ब्यक्तीहरुलाई रोजगारीको अवसर प्रदान गदै उनीहरुको दैनिक गुजारा संचालन गर्न सहज भएको हो ।
रोजगार कार्यक्रम मार्फत सडक जैविक तटबन्धन, शिक्षा सिचाईमा स्थानिय बासीहरुले प्रत्येक्ष रुपमा फाइदा हुनुका साथै पालिको विकास अहम भुमिका रहदै आएको छ ।
जिल्लाका ८ वटा स्थानीय तहमध्ये राजापुरमा प्रधानमन्त्री रोजगार कार्यक्रम निकै प्रभावकारी रुपमा अघि बढिरहेको रोजगार सेवा केन्द्रका संयोजक रमेश कुमार प्रोख्रेलले बताउनु भयो ।
राजापुरमा प्रधानमन्त्री रोजगार कार्यक्रम अन्तर्गत ‘कामका लागि पारिश्रमिकमा आधारित सामुदायिक आयोजनाको कार्यान्वयन भने आ.व.०८०/०८१ को बार्षिक कार्यक्रममा समावेस भएको र वडाबाट छनौट भइ आएका योजनाका आधारमा सञ्चालन भइरहेको पोख्रेलको भनाइ छ ।
यस आ.व.०८०/०८१ सुचिकृत बेरोजगार संख्या ७ हजार २ सय ८५ मध्ये महिला ४हजार ३ सय ६ र पुरुष २ हजार ९ सय ७८ रहेको छ । श्रम रोजगार तथा सामाजिक सुरक्षा मन्त्रालयबाट गत आ.व.०७९/०८० भन्दा बजेट ज्यादै न्युन पठाइएको हुदा रोजगारीमा सहभागी गराउने संख्या कम हुने साथै प्राप्त बजेट नभएको कारण वडा तहबाट संचालनका लागी आ.व.०८०/०८१ बार्षिक कार्यक्रम रहेका प्रधानमन्त्री रोजगार कार्यक्रमका योजनाहरु सवै यस बर्ष सम्पन्न गर्न नसिकने भएको संयोजक पोख्रेलले जानकारी गराउनु भयो ।
चालु आर्थिक बर्ष यता ९२ जना प्रत्यक्ष रुपमा लक्ष्य बमोजिम कार्यक्रम श्रमिकहरुलाई सहभागी कार्यक्रममा लाभवन्तित छन् । नगरपालिकाका १० वडाका वडा अध्यक्षहरु कार्यक्रमलाई उत्कृष्ट र प्रभावकारी बनाउन अहोरात्र खटीनु भएको छ । यसै आर्थिक वर्षमा अनुमानीत कम्तीमा सय दिन बराबरको रोजगारी प्रदान गर्ने लक्षय अनुरुप उनीहरुले १० वटै वडामा सञ्चालित विभिन्न योजनाहरुसँग सम्बन्धित भएर कार्य गर्दै आएका छन् । राजापुरमा आर्थिक वर्ष २०८०/०८१ का लागि रोजगारी सृजनाका लागीको रु ५८ लाख ११ हजार सशर्त अनुदान आएको छ । पालिका भित्र १० वडाहरुमा उक्त कार्यक्रम संचालनका लागी रोजगारी सृजना शिर्षक तर्फको नेपाल सरकारको श्रोतबाट ८ वटा वडाहरुमा र आइ.डि.ए श्रोत २ वडाहरुमा कार्यक्रम संचालन हुने गरि छनौट गरिएको छ । कार्यक्रमको प्रावधान र प्रारुपअनुसार सम्पूर्ण प्रक्रिया पु–याएर कार्यक्रम सुरु गरिएकोले अन्य स्थानीय तहहरुमा भन्दा केही ढिला कार्यान्वयमा आएपनि सबै वडामा विनियोजित बजेटको काम सकिने राजापुर रोजगार सेवा केन्द्रका संयोजक पोख्रेलले बताउनुभयो ।
